Էդվարդ Մանուկյանի պաշտոնական կայք

NEWS RELEASE

Հանրահայտ քաղաքական ակտիվիստ, գրող, լեզվաբան և փիլիսոփա Նոամ Չոմսկին կայցելի ամերիկահայ կոմպոզիտոր էդվարդ Մանուկյանի հեղինակային համերգին, որը տեղի կունենա հունվարի 22-ին, Քեմբրիջ քաղաքի Քրեսգի համերգասրահում: Համերգը նվիրվում է Նոամ Չոմսկուն, որը համերգին ներկա կգտնվի ընտանիքի, ընկերների, կոլեգանիերի, և ավելի քան հազար հանդիսատեսների հետ:

Նոամ Չոմսկին ամենահաճախ մեջբերվող կենդանի հեղինակն է, որին համարում են աշխարհի առաջատար ինտելեկտուալը: Նրա կես դար առաջ կատարած լեզվաբանական հայտնագործությունները նույնպես հեղաշրջող դեր են ունեցել լեզվաբանական գիտության վրա, ինչի պատճառով նրան այսօր համարում են ժամանակակից լեզվաբանության հայրը: Չոմսկու քաղաքական աշխատությունները համաշխարհային մեծ ճանաչում ունեն և մասնավորապես գնահատվում են բազմության կողմից իրենց հակա-իմպերիալիզմի, մարդու իրավունքների ճանաչման և սոցիալ-դեմոկրատական գաղափարախոսությունների համար:

Համերգային ծրագրում կհնչեն Էդվարդ Մանուկյանի ստեղծագործությունները` նվիրված Նոամ Չոմսկուն և երգեր, գրված Չոմսկու բառերի վրա: Համերգը կբացվի Մանուկյանի "Մոնմոլոգ" կոչվող ստեղծագործությանբ, որը նվիրվել է Չոմսկուն իր ութսունամյանկի առթիվ և առաջին անգամ կատարվել է որդու` ջութակահար Հերրի Չոմսկու կողմից: Ծրագրում նաև տեղ են գտել ստեղծագործություններ` նվիրված նոբելյան մրցանակակիրներ Ջեյմս Վաթսոնին և Սթիվեն Ուայնբերգին, որոնց համար առանձին համերգներ են նախատեսվում եկող տարվա ծրագրերի շրջանակներում:

Հայաստանում ծնված` սակայն մոտ մեկ տասնամյակ արդեն Միացյալ Նահանգներում ապրող քսանութամյա կոմպոզիտորի ստեղծագործության մի զգալի մասը նվիրված է գիտությանը և գիտնականներին. մի հանգամանք, որը նրան ժամանակակից ամենավաստակավոր գիտնականների մտերիմն է դարձրել: Մանուկյանը` թե հրապարակախոսությամբ և թե իր ստեղծագործությունների միջոցով, տարածում է գիտության ճանաչողության և բարձր արժեքի գնահատման կարևորությունը: Նրա ստեղծագործություններից շատերը արժանացել են միջազգային ճանաչման և կատարվում են հեղինակավոր երաժիշտների կողմից:

Ծրագրի կազմակերպիչ`
Քեվին Մաքքոմբեր - Քեմբրիջ, 2009